طقوس لا تتغير : وإن تغيرت المسميات .... ونحن !!
حمّام طين!!
[poem=font="simplified arabic,5,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
وحدي وجدران الملل تِذْبِل عقود الياسمين=أصحى على صوت المنبه واحمل احلامي فـْ يدي
أشرب صباحي / قهوتي / فيروز / والطفل الحزين ..=حاول ينام فـْ حضن جدّتْه و غفى وسط جْسدي
ما كان يعشق فـ الصباح الا وجيه العابرين=يا حظهم لا مدرسة ولا عصاية تعتدي
ولا مدرّس يعقد انفاسه / يصيح بـ حاجبين : =ولا نفس / تأدب / وْ أبلع لسانك / واهتدي
غبي / وفاشل / منتهي / أبله / غشيم / وْ لعنتين=متخلف / وْ جاهل / وملقوف / وبليد / أصلك : ردي
له سيل من يوقف جموحه , لو طموح اطفال هين =وتْبدلت كل المعاني , والأماني , يا غدي
يرمي طباشير التعلّم في وجيه المُهْمَلِيْن=لأجل الثقه توقد ما بين العقل والقلب الندي
و بـْ كل تأفف يزفر الطبشور: آه , و دمعتين=ويحتضن سبورته : آسف لطمسك يا وْلدي
طبشور شفني من بعد ما تصفع يْدين السنين=عشرين عام وما تغيّر غير موضع مخلدي
أنا أنا / والمدرسة صارت عمل / والحلم وين ؟=ما بين تكفيني : حضوري / وانصرافي : مولدي
مدرسي تْلبّس مديري , والشتايم : (( لفت عين ))=مسائلات وحسم عمْر , وْ شيب في مشيه : عدي
والصبح : نفس الشمس أعشقها واخاف لْيا تبين=من ارهف خيوط البداية , والنهاية تبتدي
ملل و وحده واحتضار اقرب كثير مْن الحنين=أتنفسه مع كل صبح وْ صار روتين : أجودي
ودقت الساعة طنين / سبعه الساعة أنين=وكل ما فيني إرادي غير رعشة موقدي
وقوم يا حلم السنين اتحمم / اتكفّن بـطين=باقي نصف ساعه وغيري يسلبك من مرقدي
وحدي وجدران الملل تطعم جيوش اليأس تين !=أصحى على سيف المنبه , واذبح احلامي بـ يدي
[/poem]