خذني معك في زحمة الليل لقفيـت
ماعاد لي في مجلس الحب سيـره
وشلي بمجلس خافقي وأنت ماجيت
وشلي على نزف الدموع الغزيـره
يابلسمي والجرح انا عنه صديـت
ولاعاد لي بالحب ركـن وشعيـره
وأنا دواء جرحي اليا جيت والفيـت
ياحي هاك الـزول يبـري عبيـره
لامن عطشت اشرب وصاله وياليت
يروي مشاعر خافقي من غديـره
يانرجسٍ طاغي على الحي والميت
يامن يقدي خافقـي فـي مسيـره
أكتب قصيدي واهدمه هدمت البيت
واقول ياعـزااه شوفـوا مصيـره
كله علشانـه اليـا قلـت حييـت
مابيـن قلبـي والحنايـا محيـره