من قال اني هويتك؟؟؟ كاذب احساسك
يعني عطفت ورحمتك قلت بتحبني
يالاهيٍ شيل هالتفكير من راسك
انا بجنّب طريقك وانت جنبني
مو ذنبك انك تحس العشق بانفاسك
ذنبي دروب المحبة حيل تتعبني
ياصغير السن باس الشوق مو باسك
تبي تذوق المرار وتهدم وتبني
او عواذل غرامك اهلك وناسك
وخايف يجي يوم بالعذال تحسبني
تبي المحبة على ذوقك ومقياسك
وانا ابيها مزاج وشرط تعجبني
ياجنة اللي هواك وضمك وباسك
بس الصراط اللي بيني وبينك ارهبني
خفف على رويحتك من جور حراسك
وخفف على قلبي اللي فيك عذبني
حرام والله حرام تراود احساسك
ابعد وببعد وعقب البعد حاسبني