[طلال بجاد]

.
.



يابايع المنجّا .. بيت الأكابر طالبك
رح ودّ له منجَا !
رح ودّ له .. يمكن تلاقي لي خبر
وأفداك لو تلقى !
رح ودّ له .. كيلو مطعّم بالسهر
وبدمع مايرقا !
رح ودّ له .. قلبٍ معذّبه السفر
حُبٍ تعب يبقى !


جتني تقول إن الفصول تغيّرت في جوفها
.. وإن الورود الذابلة : غطّت على نفنوفها..!
وإن الغصون اللي بكت من هجرها : معروفها
وإن الوعد .. غير العهد ..
وإني مـ عاد آشوفها !
ياصاحبي قبل أمس أنا كنّي من أهل البيت!
واليوم تعدادي مثل تعداد بعض ضيوفها...!
يا صاحبي وإن جارت الدنيا وذاك الخِلّ : فَلّ :
قل للعرب تغرز بهذا الصدر كل سيوفها

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يكفي ضيـاع أرجـوك ياشـوق يكفـي=مافـات .. مـات / ومابقـى مانخافـه!
لا يـا سُميّـه هـزّي الـيـوم كتـفـي=أب أتساقـط لـك طـريـق ومسـافـة
مـدّي بكفـك لـي بهاللـيـل حتـفـي=مدّي .. أبشـرب مـن كفوفـك حسافـة
أبـروي ضلـوعٍ بهـا الهجـر منفـي=وأبلعـن الظلـمـى .. وأذلّ الكـلافـة!
بأمسـك زمـام الوقـت ياعـلّ يصفـي=وأبرمـي جروحـي وأصيـر الصلافـة!
بأوقـف الساعـة علـى وقـت تغفـي=عينك ،، وأقول العمـر دونـك سخافـة
أبلبـس أشواقـي وأسميـك (عُـرفـي)=وأبسكنك فالوصـل .. وأسـرق لحافـه
ماعـاد تفـرق لـو حُكِـم قـص كفّـي=مـادام قلبـي منفـطـر بإنحـرافـه !
مرّيـت والطـاري غيابـك .. ونصفـي=يبكي .. ونصفـي مـرّ فيـك إرتجافـة!
قلـت أسـرق التفكيـر منّـك ونجفـي=هالعقل .. دام العقـل صعـب إعترافـه
قبل أمس : كنت بداخلي نـور مطفـي!=كنت أكرهه .. وبغالـب الوقـت أخافـه
وأمس أشرب من الضيق والقيض وصفي=كومـة سمـوم إتدثّـرت فـي لفـافـة!
واليوم .. أنا ممنـوع بالعمـر صرفـي=مـدري أنـا مخلـوق .. ولا خُـرافـة!
إنفـي حياتـك دون وصلـي وأبنـفـي=وصلي لغيـرك وأحسبـه وصـل تافـه
تبختـري فـي داخـل القلـب وإشفـي=عليلـك الـلـي ترتجيـكـي ضفـافـه
أحييـه .. قبـل أشواقـه بيـوم تطفـي=أحييـه .. صيـري حرفتـه وإحترافـه
أحييـه .. ردّي بسمـة العمـر يكـفـي=مافـات .. مـات / ومابقـى مانخافـه [/POEM]