قولي اللي بخاطرك بابا
ولومي وعاتبيني
قولي ليه اللي حصل
يعني حصل
أجمعي عيونك براءة
وأطعنيني.
قولي ليه الورد ذابل
والأمل مصلوب
فعيون السنابل
أساليني.
وأسأليني ليه رحت
وما عرفتك..! مالمحت
أطراف ثوبك.! اي شي
منّك بعيني.!
قولي بابا آنا كبرت
وأشتروا فستان عيدي
ما اشتريته ليش انت..!
ليش بابا بسّ رحت..!
كان نفسي تحتريني
قولي بابا وما سألت..!
غبت.. غبت وما سألت.!
ماني بنتك..؟
ليش بابا.. ما تبيني.!!!؟
ثاني عيد وما حضنتك.
تعرف انت اشمعنى
بابا ما حضنتك.
وانا بنتك.
آه يا هذا الشعور
اللي بدالك يحتويني
تدري بابا لورجعت
وصرت لأحبابك قريب
لا تضايق مني لو خفت
وبكيت
لـ انك بعيني غريب
وما اعرفك لو تجيني
بابا اسمعهم يقولوا
انك اطيب قلب لكن.
ليش لكن.!
مدري كم مرّة قسيت.!
يكفي احسبها بيديني.
وبابا اسمعهم يقولوا
كنت بتسميني (لين)
لكن اختاروا (حنين)
في غيابك.
من عذابك
بابا.. ما ادري اعذرك
والا اترك هالحكاية
لليالي.. اللي بسنيني