[عون القحطاني]

رمش الشمس

[POEM="font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يوم رمش الشمس فـي جفنـي غفـا=وابتـدأ ليـل المواجـع والـجـروح
وكل نـورٍ فـي عيونـي لـك طفـا=وكل عرقٍ في خفوقـي لـك يبـوح
قلت ابيّـح سـرك اللـي لـو خفـا=بان في عينك ولك طـرفٍ فضـوح
ويـش علمـك يامضيـعّـة الـدفـا=في ليالي البـرد والوقـت الشحـوح
ويش علمك يـوم قلبـك مـا صفـا=يالهـوى القتّـال .. يالسـم الذحـوح
ما كفـاك اللـي عطيتـك مـا كفـا=ياحسايف يـوم لـي قلـبٍ نصـوح
يالمقفـي طالبـك مـا تقـول افــا= يـوم روحٍ تشتكـي لـفـراق روح
وياالـمـوادع لا تعنّيـهـا حـفــا=خطـوةٍ جاتـك وخطـواتٍ تـروح
وياهـلا بالحـزن يـوم انـه لـفـا=وعزة الرجال اغلـى مـن الطمـوح
(............................=.................... .........)
ما حسبنـا هـروج جتنـا مـن قفـا=والرجل والنعـم ابـو وجـهٍ سمـوح
ان عطينـا مـا عطيـنـا الا وفــا=وان عسفنا مـا عسفنـا الا جمـوح
وان عفينـا كلمـة الشيـخ ان عفـا= والله انـه مـا يعرضّهـا مــزوح
وان قسينا جينـا اقسـى مـن صفـا=وان تواضعنا خجـل وجـهٍ صبـوح
(............................=.................... .........)
وما عاد تفرق .. وصـل والا جفـا=وماعاد تفرق .. تجـي والا تـروح[/POEM]

.
.

ارق تحية