وطـَن..ماشـِفـت لي في هالمدى إنسان
تِعِـبـت انـظـر أدوّرنـي ولا اشـوفه
وطن..شاخـت عـيوني أنتـظر تـِحنان
أَرتّـب حـلمي المـنـسِيّ ِ بـِحـْروفه
عـزيز ويرتـكـب فـيني غـياب اوطان
عـميق وما عـمـيق إلا ظـِما جـوفه
جـِفاني ماتـَرك في حـوزتي عـُنوان
ولا بـَيـّن مـَعَ الأحـلام بـِوصـوفه
وطـَن..خـاب الأمل والحـظّ بعده خـان
وظـَلـّت بـَسمتي من راح مقـصوفه
نِسـِيت إني رُمـيت بـْجعبة النـسيان
وغـابت فرحـِتي /حَظـّي نِـفَث أوفه
وطـَن ويـن المواني مابـِقى شطـآن
بحـر مـَدّ النـّظـَر والروح مكـلوفه
وريح ٍ تـِعتـلج بالحيل كن بـَه جـان
يـِدين مـْكبّـله بالخوف مـكـتـوفه
وطـَن..أدري تـِخونـِه هالـليـالي آن
وآن ٍ يا لـلـيـالي خـانـَت اظـْروفه
وطن..يـِقـتاتني شوقي واصيح انـسان
تـرا شـوقي وطـَن مع آه مكـشوفه
أراه يـْغـيـب لامـِنّي بغـيتِ ايـْبان
وبَحـْلامي يـِتـوه وصـِرت مـاشوفه
إذا ماعـاد عـَطـْهِ اكـتابيَ اللي كان
وخـَلـّه يخـتـِم الاشواق بكـْفـوفه
وطن ..؟ وين الوطن خان التمر نخله
يـِبَـس بـِعـْذوقَها ماجـَدّه الجـَدّاد
يـِموت الزّهـْر شَهْده ماسِقى نحله
نـِضَب شهده وعـِيدانه تَحَنّى احـْداد
تـِعيش المسلمه حـيره وسط أهله
ولاجـاها من ارشاهم شـِفا و وْداد
تـُروحُ وْ راحها مـَِدّه عـَطا جزله
وبـِين مـْتونها روح ٍ لها مِقـداد
نـِضاها الـشّوق واحوالٍ قِوَت حَمْله
وعـنّاها الحنـين وعـاقَها بـِشْداد
سـِقاها الصّبر من نـَبْعه على مَهله
وذاقـَت مُرّ صبّاره قَـطِر بـ مـْداد
تـِساءل في قـهر واعـْماقها طفله
ومـَمزوج الحـنين بـْروحها يـِزداد
وطن ..؟ وين الوطن خان التمر نخله
وحـادي القوم غـنّى والعـنا هـدّاد
/