:
من ْدروب الوله جيتك : حزين ومنكوي طاير
انا الليلة ضروري تسمعيني لو تفيض الروح
عن عنادك تخلّي بالكلام ... وقولي وش صاير
انا من شفتك البارح وانا من حينها مجروح !
عجزت انسى ملامح وجهك المتناثر الحاير
الين الحين والمنظر قدم حزن العيون يلوح
رجعتي للورى خطوة : جمعتي شعرك الثاير
قسم كل شي عن فعل الخيانه بـ المكان يبوح
بقايا ضحكتك .. حزن الاغاني .. كرسي الزاير
عيونك . رجفة كفوفك . صدودك . صوتك المبحوح
وربي كنت متـوقع خيانه .... والامـل باير
انا من شفتك البارح وحلمي ينتفض مذبوح
1427