[الهنوف بنت خالد]

بـ اعاتبك و ابكيك
وأشره على قلبك
اللي ابتعد بـ سكات ..

ماراح ألوم الوقت ،
أو أشتكي للحب :
وآقول : عنّه مات !

علّمتني : يا خِلْ
اللي يحب بـ صدق
ما يكره الأحباب !

يا قلب ما ملّيت ؟
تسأل عن اصحابك
اللي و لا مرّه
دقوا على بابك !

يا فلان : ما مرّك
طيفي ولا حنيّت ؟
ما هزّتك طفلة ..
تبكي من غيابك ؟

في غيبتي عنّك
ماجاتك الذكرى ؟
ما زارتك لهفة ؟

ما سهّرك ليلي ؟
ما رجّعك مرّه ،
لـ احضان أحبابك !

ترضى( ليالي العيد )
أقضيها من دونك ؟
وآنا اللي ما أقدر
أفارق عيونك !

ليه انت مافكّرت ؟
تسأل عن أحوالي
ماكنت أظن منّك
كل هذا يجرى لي !

تعبت أكتب لك ،
وآسهّر عيوني
وانتَ ولا همّك ..
لو عشت من دوني !

بـ أيامنا أوّل ،
تغفى على ايديني
و اللي مضى تحوّل
يا ناكر : سنيني !

ما تخاف يا ظالم ؟
بكره يجي لك يوم
بكره يجي لك يوم
بكره يجي لك يوم
ويرّجعك خوفك
مِن ( دعوة ) المظلوم !

ببقى : ( عزيزة نفس )
ما أذكر أيامك ،
رغم إن أحزاني
كلها من أسبابك ..!