بلادي إيييه وأتنهّد ذبحني الشّوق يابلادي !
ــــــ وأنا لامن طرو إسمك غصب تخنقني العبرة
أحنّ لصوتك/ أرصفتك/ لحن عصفورك الشادي
ــــــ تجيبك لي اغانيهم وأتمتم دووووم ياآآآحسرة
بعيد الدرب عن أرضك وأخاف بيوم ميلادي
ــــــ يعاتبني العمر [ وينك ! ] وأصيح بصمت ياصبره
خفوقٍ عاش محتضنك حفظ أهزوجة أعيادي
ــــــ " بلادي دام لي عزّك يـَ حبّك يآآآآه وش كبره ! "
بكيت الأمس يوم إنّي صغيرة ف حضن أجدادي
ــــــ تداعب شعري أنسامك وأغيض الكلّ في نظرة
وتخنقني تفاصيلك .. حنينك .. عطرك الهادي
ــــــ وأحسّ الكون في عيني ولا يسوى ثقب | إبرة
أحاول أرسمك لوحة .. تشابه أكثر اعنادي
ــــــ أضيع ف زحمة الذكرى ولا ادري شنهي الدبرة
أجرّ اخطاي بالغربة وأصوّت كيف إيجادي !
ــــــ تعب كل الشعور اللي يبعثر صورتك .. واشره
على حلمٍ جمعني فيك زاحم سطوة رقادي
ــــــ أخذني لك شتا قارس يبي من دفوتك جمرة
بلادي هو متى القاك أنا ملّيت إبعادي !
ــــــ وملّيت الضّياع اللي غدى في داخلي فطرة
