[عقاب الربع]

لكم كل الحب والامنيات ولهم كل الحب والدعوات :

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نكتب ونشطب مو على شان الاذواق=الشعر لو هو كل مابــــــــه كلوفه
يكتب بمضمونه مـن اعماق الاعماق =لو غاب عن عيني بهمـــي أشوفه
والهاجس اللي فـاض مابين الاحداق=ينبض بإنسانٍ تصاغـــــــر ظروفه
قلت المعاق وقـال يــــــا حر الاشواق=اكتب تراها بالقصـــــــــيد مخلوفه
اسمى هموم المجتــمـع على الاطلاق :=حمل التكافل لو تثاقــــــــــل كتوفه
واكرم كراسي هالزمـن كـرسي معاق=فهق به دموعه وقــــــــلط ضيوفه
اكتب وش اكتـب عنـه ياضيق الافاق=وانا بكيت ولا شــــــعرت بحسوفه
شفته شجــاع وضـاق وقته ولاضاق=صدره سما غيمه تـــجيـه محفوفه
متعانــــــــــقٍ مع هيـبة ايمانه عناق=نور المكان ولا انخذل من خسوفه
خفق من اسرابه عـلى الغصن خفاق=ينشر امان الصبح في ليـــل خوفه
يجول يومه:طهــر واعــــياد و وفاق=وامل ودعوه وابتـــــسامه وشوفه
ينسى بها المــحــروم جوعه ليا ذاق=طعم الزمان وخطوتيـــــن محذوفه
ياكثرمافينا هـــــــــــواجيس وارهاق=وغربه زمانيه ونفــــــــسٍٍ شغوفه
الصمت بر ليا غــدا هالــــحكي عاق=اذا تخثع هالشعــــــــــــور بحروفه
نحبهم ونموت فيــــــــــــهم ونشتاق=لرضاهم وكل المــــــشاعر عطوفه
فيهم أملنا يجــتمع مــــــــــابه فراق=ونجهل معاهم اهـــــــــتين معروفه
لهم أمانينا تــجي الصبح بــ اشراق=وحروفنا عطــــف وجملنا معطوفه
اخواننا لو وصــلهم بـــس بالاوراق=حلــــــمٍٍ نزيه وشامخٍ فــــي وقوفه
وش عذرنا والـــــــصد عنهم ماينطاق=بدنيا الهـــوان اللي تسير مخطوفه
تسوف بنا ونقول بـــــاكر به ارزاق=تسولف بنا العمــر بثوان معصوفه
باكر اذا ما التــــــفت الساق بالساق=كل العمر هذا مــــــــــــجرد بروفه
مــــرٍ لو انه حالـــــي تقـــــل ترياق=بنتٍ تــــثيقل والســــــنين مخفوفه
انا كذا !! ماهو اهم شـــــــــي الاخلاق !!=اهم شي اللي عيونــــــــــك تشوفه
كرسي معاق ومعــــتلي فوقه معاق=الارض عرشـــــه والاوادم ضيوفه[/poem]