[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]وحيد يشعلك هذا الحزن..من أولك لأقصاك= ولا يشعر بنارك كل من يدفى على..مصابك
يحيرك الدجى ..مابين تغريدك وبين بكاك=شعور غامض..لاشبـت النجمات ينتابك
تأمل كل مابك.. منغلق لو تفتـح الشباك=تأمل كل مابك ..مكتئب لو ترخي أعصابك
سكوتك/قبر صوتك.. والسما مقصورة لمناك=تبي تتجاوز الدنيا..ومالك غير مشعابك
تفتش ......باللغة عن مفردة تتناسب ومغناك=تدور بـالسما عن غيمة..تحنو على تـرابك
وش الغربة سوى شعور يقول:إن الجسد منفاكوش الحيرة سوى إنك..يوم تسأل كيف تحيا بك
رغم كل السحاب اللي تمنى.....وما قدر يرقاك=يا ليـت إن الأفق ممكن.. يحس بوحشة عقابك
كثير من الوفا..... ما هو سبب حتى تقل عداك =وقليل من الذهب يكفي ..لجل تتكاثر أحبابك
ترى أصحابك قليل إحذر يغرك كثرهم وياك=تراك بأي لحظه..ممكن إنـك تخسر أصحابك
يأس منك الطرق اللي تعود يصغي لممشاك=يأس منك الرفيـق اللي..عجز لا يفهـم عتابك
يأس منك النهار اللي شهد(ياما) ارتباك خطاك=يأس منك الظلام اللي .جلس (ياما) على أهدابك
ملايكتك تحدك تغفر لهذا الزمن ما جاك=وشياطينك تحدك..تبرز لهذا الزمن نابك
تأكد لو هي بتحسم جنون المعركة شلفاك=ترى هالناي ..ماله أي قيمة عند مخلابك
محمد لا تـسافر للزمان المظلم الفـتاك=محمد..لا تـمزق قبل تحيا عيـدك ثيـابك
محمد ما مداني أطلع العالم على معناك=محمد..تو عناقيـدك تحاول تلفظ أعنابك
وحيد تنثرك صحرا قريـش و يجمعك مـولاك=ويتوجك.. الإمام المعتكف وحدك بمحرابك
حرام إنك تفارقني تقول إن الـحياة هناك=حرام إنك تبرر بـالنهـاية ..طعنة غيابك
حـرام إنك تكسر كل حلم صاغته يمناك=حرام اللي.. بنيته ينهدم عاليه باسبابك
حسافه لو تـموت و ما تلاقي وافي ينعاك=على مرأى من عيون الخلايـق يسقط شهابك
حسافه لو تموت و كل شخص يدلهك ينساك=ولو كان بحياتك كل شخص..يحسب حسابك
تـمـوت و لا خليلة تنثر الدمعات في فرقاك=تـموت و لا خليفة ..يكمل الباقي من كتابك
رقيـت الغيم لين اعتدت صولاتك ورا الأفلاك= نزلت الارض لين أدركت ....بأن الطين أولا بك
بعد ما كنت تشعر كل هذا المال ما كفاك= رغم أنفك بترضى كل هذا الدود يرعى بـك
تحس إن القضى قد له ليال يدور حول حماك=قرب موعد خريفك قبل لاهي تنبت أعشابك
على نغمات موسيقى حزينة تندثر ذكراك = و مصير أسود..متلـهف يوقـف على بابك
قبل لا تـوصل لذيك المدينة تنتهي دنياك=و عادك بأول الصحرا ..حرام تـنـوخ ركابك[/poem]
لـ محمد المرزوقي .