[فهد عواد]

مساكم / صبحكم الله بالخيرات

متواضعه بين ايديك ... يسبقها عذر الانقطاع

الاهداء : لحضوركم المشرّف ... والأخ عبدالله شلاح ( بفتح اللام ) ...

[POEM="font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مليت يـ( أبن شلاَح ) والوقت يعسر=وأزريت في نقل الحمـول الجايـره
الناس تحسدني .. وأنـا وقتـي غبـر=ودمـوع عينـي بالمحاجـر حايـره
الناس يأبن شـلاَح ماتقبـل عـذر=تبغـى تسلـى بالهمـوم الثـايـره
الناس يأبن العم .. عطشانـه شعـر=وأنا اللـي أتقلـب علـى سعايـره
ملعون ابو هالشعر .. يامابـه قهـر=كـذاب يقلـب هالمعيـن دايــره
لكني صادق وأنت تـدري وتخبـر=انـي أركـدبـه هـمـومٍ فـايـره
لذا يأبـن عمـي إليـكَ المختصَـر=( حتى لوأن السوق ماهـي بايـره )
ماني متاجر بالشعر مع مـن .. تجـر=لـو الفقـر فينـي طعونـه غايـره
ياصاحبي بيـن البـداوه والحضـر=موجات فكري يـم ذيـك الذايـره
اللي توردنـي علـى مـوتٍ حمـر=حتـى وأنـا نايـم تجينـي زايـره
لاعرّضـت ماكنـي الا الهـم جمـر=تلقا عيونـي يأبـن عمـي طايـره
على العبايه ليتها تكتـب ( خطـر)=لجل آتجنبهـا ليـا جـت سايـره
لا وقفت توصف على ضابط خفـر=يدرس على راسـه مديـر الدايـره
واليا مشت توصف على تلّت ( همر)=تـوه جديـدً ماتمـسّـح تـايـره
تلّـه ارهابيـن تشهّـد .. وانتحـرّ=ركّب دناميته ... وشبّـك وايـره
الحاجز الأمني ليـا مـرّه .. طمـر=ماهمـه الجنـدي ... ولا ذخايـره
الفاتنـه بشفاتهـا جـمـرة سـمـر=خطـرن يفتّـق صدرهـا زرايـره
أجمل جميله جنبها تحسـب ( ذكـر )=فيها حروف القاف صارت حايـره
ماقلت لك ياصاحبـي مـوتٍ حمـر=بالموت الأصغر .. شفها جتني زايـره [/POEM]

,,,,

,,,,

,,,,

وسلامتكم

...........................

فهد عواد