[نايف الرحيمي]

مساء الخير ..

:

يقولون : الشعر رسالة
وأقول : الشعر حالة

أما هذه الحروف " المتواضعة "
فـ حالة رسالة × رسالة حالة !



تقبلوها كما هي :

[poem="font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نصيحه يـا رفيقـي لاتنـازل=ولو ضاقت على صدرك منازل
إذا عندك مبادئ .. فاحترمهـا=وقدّرهـا.. وعنهـا لاتـنـازل
واذا فكرت بالمنطـق.. تذكـر=ترا مـوت المبـادئ بالتنـازل
واذا تبغـى الحقيقـة يارفيقـي=أنا مليت مـن كثـر المهـازل
اشوف الناس هالوقـت قلبوهـا=مغـازل × مغـازل × مغـازل
وانا ماني بـمعصـوم ٍ ولكـن=احاول لو يزلّ الناس مـا اْزل
طموحي فوق.. واهدافي بعيـده=ولا فكرت في طالـع ونـازل
وضوحي نور.. وحروفي قناعه=ولا حطيت دون الحـق عـازل
ولوّ اني وطيت الشوك حافـي=بوقت دروب غيري كلهـا زل
واذا مليت من كثـرة هدوئـي=هدوئي سيفي بْوقـت المنـازل
اقطّع به رؤوس ان جات ضجه=وكَثرت في مكان ٍ ما.. مهازل
واذا هُم في هدوئي ساومونـي=قسـم بالله.. عنّـه مـا تنـازل[/poem]



[ نايف الرحيمي ]



.