[محمد السالم]

**






**

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]


صاحبي هذا الحديث من آخره = عير سمعك للحديث اللي طري
ماعرف لليل من لا يسهره = ولا ضحك للفجر شخصٍ شاعري
صبّ فنجالك وكثّر سكّره = كل شيء حولنا أصبح شري
هات من غامض حديثك وانثره = ربما لامس حنين بخاطري
صبّ ميزاب الورق في المحبرة = خلنا نكتب كلامٍ ماقري
نبّه الجرح القديم وسهره = المظالم ميته لولا بري
دامنا من ناس أمه شاعرة = من بدايع عسجديٍ سامري
ننقش التاريخ قصة ساخرة = مثل ماضيّك على أول حاضري
لعبة البنت اللعوب السافرة = كلما مالت تمايل ناظري
في يديها قمت هامة حاسرة = لين غابيي تبدل ظاهري
من محاسنها منحت الخاصرة = كل كفٍّ زينت لي باكري
وش تأمل ويش عادك ناطره = الأمل بي كان آخر قابري
صاحبي مابك بقى لي معذرة = ولا بقيت اللي طموحك محتري
صاحبك ماعاد خافيٍ يضمره = باع سرّه دين لأول مشتري
كفّ فنجالك وسرّب أخره = جابني بنّه عليك من أخري[/poem]

**





**



م.س.