ترددت في نشر هذا النص / ل المغروس في قلبي لأسباب لا علاقة للشعر بها !!
غير اني انتزعته لأرتاح منه ..
:
[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حزين لحد ماني عارف احزن وين =عليك احزن على روحي على مدري !!
ابقطع هالشجر واجلس برمله لين=يطيح آخر غصوني وانبت بصبري !
خطاي اجمل ذنوبي : تعرفه بعدين=وساعتها تعرف الناسك العذري !
على ( تدري فهد ) كنت ابني من الطين=قصور ، وطاح فيها انسان ماتدري !!
ضحكت وكانت الضحكة تعيدك بين=أعيشك واكتب الباقي لك بشعري
مهو، ترتيب بيت وبعدها بيتين=قوافي ، باهته يطفي بها جمري
ولا اوزان يشبه بردها السكين=تقطـَّع فوقها حزني مثل عذري
ابكتب كيف احبك كيف اعيش الحين=اذا تطري وتشوف شلون بي تطري
كأن الارض كذبة فوقها الرجلين=كأني وحدي المبعوث من بدري !!
ذنوبي انت وحْسابي معك بعدين=اذا شفتك : وضميتك على صدري !!
ابسكت واترك الباقي واشيله دين=اسدد ما بقى لك أوعسى هجري :
يفسر ليه ما اقدر أمد إيديـن=وانا محتاج لك يا العابر بعمري
ابيـك وانت ضحكة روحي من سنين=ولكنـي حزيـن لحــد ما أدري !![/poem]