[quote=نواف التركي;483973].
.
.
.
الله عليك نص مذهل رائع كروعة حضرك سيدي
(ويا والله إنّه غرّب النوم يا حطّاب) = سرى بارقة ما بلل الجفن من نوّه
أنا والله إنّي عارف إن السهر له ناب = يفجّ العيون وياخذ الدمع بالقوّه
يسيل الحنين ويطْري البعد والأحباب = وأروّق جروحي عنه وأحاول أموّه
هنا حط بي الرحال وأناخت راحلتي
لك الله ياللي من عمر وأنت بالأهداب = تقول إنّك مخيّط على الجفن من جوّه
دخيلك حضوري كلهم ممتلين غياب = ملوني فراغ وكل دربٍ لك يتوّه
تعال بحضورك ينبت الصدر بالأعشاب = ويخضرّ عمر وتصبح الأرض محلوّه
أناديك وأدري ما تجي والحصيل أغراب = يهزّون شاعر ويتساقط من علوّه
هنا أوّل حصاد الليل بالروح يا حطّاب = على الله يمطر بارق النوم من نوّه
ربي لا يحرمنا هالحضور
مازال الشعر بخير
تحياتي