الى مسامعكم
/
آمل منكم الرضا والقبول:
(ياجدي)
[poem="font="simplified arabic,5,black,normal,normal" bkcolor="transparent" bkimage="./images/backgrounds/53.gif" border="none,4,gray" type=1 line=0 align=center use=ex num="0,black""]واناظر شفت لك ذكرى بمجلس بيتنا المهجور= ذكرت ان الذكر نعمه عرفت ان الزمن دوار
سألت الضي عن وجهك تجاوب شرفة الديجور= تقول ارجائها راحل طهر او جمعها اطهار
اشوفك في ذرا صمتي حبيب المنزل المعمور=هنا لك بي نخل واقف كبر واستحصدت اثمار
هنا باقي* هنا تبقى* هـــنا بسأل عليك النور=واعانق لاجلك العتمه وبسأل عنك الاسحار
وبتساءل مع روحك مع انفاس الشقى مقهور= ياجدي تذكر الذكرى او انه خانك التذكار
ياجدي تذكر الملعب وتذكر ساقي المكسور=جبركسري وصرت امشي على سفح الالم جبار
ياجدي تذكره حلمي الى من قلت لك دكتور=وتذكر يومنا نلعب تحت شمس الضحى مقطار
ياجدي تذكر اشيائي وتذكر خالد الغنـدور=كبر واتغيرت حاله عشق سلمى وصار يغار
تولع بالحنين وصار لرياح الوله مجـبور=تعلم صــارلك شــاعر يعانق زحمة الشــعار
وله قافه وله حرفه وله ساحه وله جمهور=تقول ان الزمن دوار هــذا هو حقــيقه دار
ياجدي ماحصل حلمي كبرت ومالعبت الدور=وانا مامات بي عزمي ولو كان الامل منهار
تعلمت الصبرمنك عساه يبيح المحضور=تعلمت اكوي بصمته لسان احساسي المحتار
انا مانساك ياجدي مسكت اذني تمد الشور= وانا اذكر يوم تعطيني نصايح اوحكم في الدار
تعلم كيف تبني لك حفيدي بالغياب حضور=تعلم كيف تختار الصديق اليا ضميرك حار
تعلم كيف من صمتك تعبر للجلوس شعور=تعــلم في ظلام الليل تاخذ لمعة الانــوار
تعلم واسمع الحكمه اذا قالوا بعلمــك نور=سمعت وطعت ياجدي رحمك الواحد القهار
ولو انك معي حاضرمع صدق السنين الجور=تهب رياحها ضيقه تلاعب بي يمين يسار
معاك الــله ياجدي بحق الفــاتحه والطور=عساك بجنته آمن ومن تحتك تسيل انهار[/poem]
//
خالص الشكر لمروركم
الأجمل