.
.
.
أحبتي
بعض مني لكم مع عذري لإنقطاعي عنكم
.
.
ياشيخ .. خلَ الدرب يبكي لحاله
يمكن مع دمعه / نشوف الخطاوي
او ربما / نلقى إجابة سؤاله
ونقول للي جاي .. ويش انت ناوي
العمر صحرا / والليالي جماله
والصبر شمس وكل ساعه عزاوي
التمر بيَح كل دبسه .. وصاله
والنخل مات / وهيئته عاش راوي
فنجال طيش ..! وممتلي بالجهاله
مكسور قدره .. في عيون الهقاوي
والهيل .. مهما غيبوا عنك فاله
نوضه يجي / لو عشت عمرك خلاوي
خلَ المدى يرسم / بقايا جداله
وخل العلوم تلوم / والصوت عاوي
يمكن يعيد الحزن .. برق الشكاله
ويرتب المنثور / ويجيك ضاوي
ماعاد في درب المقفي عداله ..
ولا عاد بيدين المودين قاوي ..!!
حزمة شموخ / تهين باقي ظلاله
دام السحاب عتاب / للحزن طاوي
ياما شربنا الصمت .. وجنوح باله
وياما لقينا من وراه البلاوي
الصمت حكمه / لابدى له مجاله
والصمت نقمه / دام للحق لاوي
بعض النفوس .. دروسها لك رجاله
وبعض الرجال / نفوسها ماتساوي
الرجل فعل .. وكل ما ابهر دلاله
تعرف مكانه / قبل شبَ الدعاوي
ان كانت اقواله / تشابه خلاله
قل للزمن : هذا شبيه المداوي
وان كانت اقواله / لترتيب حاله
غاوي / ومايملك من العزَ غاوي
هذي سنين الهمَ .. واقسى جباله
تطيح بك ... والحلم زاد الشقاوي
إلى متى والليل يرخي سباله ؟
واحنا على باب الفجر بالرجاوي
وإلى متى والعطر ماجا زلاله؟
واحنا نشب ضلوعنا طيب جاوي
يكفيني اللي منك / عذر وجماله
ويكفيني انك .. في عروقي مخاوي
ياشييييخ ..! خل الدرب يبكي لحاله
يمكن مع دمعه ... تعيد الخطاوي ..!!
.
.
.
الســيل
7/2009م