إنقطاعي عن أبعاد لا يبرره إلا .. إنشغالي
بأمور لا تعترف بـ حق الإنسان العيش
أكثر حرية وتواصل
نـص
لعـّلة يقتضي العذر
,
.
.
[poem="font="simplified arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]على سنام الطويل وعاتيات الهبوب = نهار .. يوم الربوع .. عصير قبل الزوال
وقفت .. أراعيك ياصدر الشمال الرحوب= وأنت آخر اللي بقالي من ربوع ٍ .. وآل
وقفت .. ميقاف من كثرة عليه الذنوب = وإنتابه الخوف من صحوة ضميرة وسال:
دمعة وهو يحسب إن الدمع .. صابه نضوب=مايدري الحزن مخلوق ٍ معه .. لا يزال
الحزن لـ بنادم آقرب .. والمواجيع ثوب = والعمر إما يِقضىَ حلّ .. وإلا إرتحال
وأنا تكالب علي من المقادير .. نوب = ونوب ٍ بنفسي على نفسي .. نزاع وجدال
أختار من باب زهد .. أكون رجل مغلوب = وآحيان أحرّم على النفس الشقية .. حلال
ياصبر قلبي على مالا تطيق القلوب = ويا وسع صدري لياضاقت صدور الرجال
ويا قوّ عزمي ليا أشتدت على الكروّب = ويا طيب نفسي على كثر الجشع والسؤال
كم عشت مابين توديع المسا .. والغروب = لحظات .. موت الأمل .. والشك .. والإنعـزال
وينتابني كل ماهبت علي الهبوب = شعور بأني غريب .. إشتاق كلمة " تعال "
ماغبت يالحزن والأشواق عنّك تنوب = وشلون والشوق مايعرف ظروف ومجال
يتلّني .. وأتنحا مبعدات الدروب = لا مرّ .. هانت مسافات الطريق الطوال
كله على شان وضّاح الجبين .. اللعوب = اللي تسلطن على روحي بحسن وجمال
اللي ليا بان وجه ٍ للزمان الشحوب = لقيت به عن قسا الأيام .. عطف و دلال
الراقي الباقي بقلبي ولو به عيوب = اللي تحدابي العذّال .. دون الوصال
أستسمحه وأستبيحه والمشاعر تتوب = ولوّ خانته .. جعل راعيها لسوء المئال
ولو عاضبت دنية العشّاق .. وصل محبوب = لابد في تالي الدنيا .. تزين الليال[/poem]
.
.
,
لكم ولـ أبعاد
تقديري