[ 6 ]
يبه وينك
تعال ابغى
عمري تحضنه ايدينك
على الجدران
اشوف ظلك
واركض لك
تحضن دمعتي بعينك
يبه وينك
جلدني صمت هالطبشور
جلدني فيه الأبيض
وانا طفله
تحني عينها برسمك
يبه .. ما أوجع الصوره
تعال ابغى اسولف لك
وانيمني على صدرك
تعال الحلم صحاني على صوتك
كذا موتك
جدار .. وضل .. وطبشوره؟
أجل ببكي
ولا بـ احكي
عن احلامي
تدري شنهي أحلامي؟
حقيبة مدرسه .. والوان وطبشوره
وتجيني إنت
إذا رن الجرس .. للبيت تاخذني
وباص المدرسه واقف
ولا اشوفه
واركض لك وتحضني
تحملني على ايدينك
واحس اني
بحضنك صرت عصفوره
.
.