السلام عليكم ورحمة الله وبركاته
بداعي اعجابي بما في هذا المنتدى الادبي الراقي يشرفني الانضمام
وهنا اخر ما كتبته اتمنى ان يرتقي الى الذائقه
.
.
[poem="font="simplified arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الرحيل اللي ترك للضيق صدر وطيب نيّه=مع غموض أحوال دارت حول نفسي وأربكتها
فك شباك القصيد .. وقفّل أبوابه عليّه=قال يا طيب القصيده .. قلت يا قل بركتها
لو نقدها الناقد ولو قال هذي عالميّه=ما تفيد إن ضاع معناها وكثرة فبركتها
كانها ما وصلت العنوان ما حلّت قضيّه=تبطي تحارب بساحه غير ساحة معركتها
يا حروفي لو كتبتك في نظام الأبجديّه=أنتي إحساس ومشاعر بس الأذواق أنهكتها
ما علينا يا حروفي يمكن الخيره خفيّه=المهم خيول الأفكار أزعجتني دربكتها
والسؤال اللي جوابه روّحت فيه أجنبيّه=ما يجيب الكلمه اللي قبل ترحل ما حكتها
يوم راحت لا وداع ولا عتاب ولا وصيّه=علقت كل المواجع في بقايا مملكتها
طيحت في صدها دمعه وحلم ومعنويّه=واكسرت خاطر وصحت للسهر عينٍ بكتها
والأماني صادرتها وأسقطتها من يديّه=وطاحت من الوجه بسمه كانت أول ماسكتها
ما بقالي ..؟ ما بقا لي ..غير نار الشوق حيّه=والسهر والذكريات اللي على البال إتركتها
اختلف وجه الصباح بعيني وروح المسيّه=واه يا طلّت صباح الليله اللي ما أدركتها
الشوارع خاليه بغيابها وقلبي خليّه=للشقا والشوق وهموم الفراق وشربكتها
واعتقد لو تدري بحالي تجي حب وحميّه=بس ما تدري وآنا روحي ولا مره شكتها
ان تظلمت ادري إن يدينها مني بريّه=حتى لو جرت يد الجاني علي وشاركتها
قدمت للوقت رمح وقدمتني له ضحيّه=ضيعت في كل عفويه حياتي وأهلكتها
مالي إلا الصبر شمس.. ولا لي إلا الصبر فيّه=والمواجع لو تهب اقل نسمه حركتها[/poem]
تحياتي