[عبدالعزيز الروابة]

المشاركة الأصلية كتبت بواسطة عبدالناصر الأسلمي

ومن ضلعي وتفنن في عذابي

شلون الله لو سواه من كف

جزء مني يحدد لي مصابي

يمرضني ويشفيني من الشف

يعين الله من بلواه مابي

يناغيه الهوى من عاشق عف

صبرت ولا حكيت لا درا بي

ورضيت وما رضى ويتمتم بـ أف

عليه الوان حزني وانتحابي

مثل محزون عين بحادث الطف

سألته بس ما رد لي جوابي

وترجيته وقلبه صد ما رف

حبيبي لا تزود لي مصابي

عليك انته مصابي فيك ما خف

شريت ولا ابيع ولا أحابي

هواي ارجوك واترجاك تعطف

تعطف والهوى عنده حسابي

انا ارجوك باحوالي اتّلطف

هقيت من المحبة ما هقا بي

واثاري بعد هقوانا تنكف

يا معسول اللمى وعذب الرضابي

تمهل يا الهوى لا..لا تّعسف

عبدالناصر الأسلمي:



صح لسانك وعلا شانك


حبيبي لا تزود لي مصابي....عليك انته مصابي فيك ماخف


الله على هذا الرجاء العذب من الحبيب ياعبدالناصر وإنشاءلله ماتشوف أي مصاب

تقبل خالص مودتي وتقديري