السلام عليكم ورحمة الله وبركاته
اول مشاركاتي في في هذا الصرح الشاامخ
اتمنى ترتقي لذائقتكم
سيجارة الحلم لاتطفي
كل ماانطفت شب سيجارة
ماضاع من دنيتي يكفي
والنحس يلعب على اوتاره
ياالله بعد المرض تشفي
حلم تعب يكتم اسراره
تعبت اشيله على كتفي
تعبت اجاريه في اسفاره
حلمي امل دايما منفي
غريب ومضيع دياره
ليه الزمن دايما مقفي
والحظ مانسمع اخباره
صبري تعب ينتظر حرفي
والحرف محجوب بستاره
عشقي بحر يثبت وينفي
مااقدر على سبر اغواره
شفتك امل مر في طرفي
موال من سلك بحاره
متعب انا ردلي نصفي
متعب والامواج جباره
راع الهوا كل مايخفي
يفضحه موال بحاره