مدخـ/ـل
قسم بالله لو تدري
بحجم الحُب في صدري ..!
بتستغرب
وتستغرب ..!
لأن العشق بك يغري ..!
احب الكون فـ عيونك
حقيقه : صرت مجنونكـ
حكاية قلبها عُذري
ولكن
طفلتك
هالحين
حزينه وحزنها جذري
ترى مو صعب ترضيني ..
ولا هو صعب تتفتح
ورودي في صبح بدري ..!
تعال شوي لاطفـني ..!
لامسنـي ..!
امسح دمعتي بيدك ..!
حزينه ح ــيــل بك .. أدري ..!
وانا لو قلت لك ابعد ..!
ترى غلطااااان لو تسـري ...
ترى غلطااااان لو تسـري ...
حزين ولا على بالي سوى جرحٍ وقلبن طاح
وزرعي لوسقيته دمع نبت من كثر ما أسقيته
.
.
الا ليت القلوب اللي تعرف العشق به ترتاح
كتبت من القصيد أعذبه .. بصدق احساس غنيته
.
.
أحبه لا أنا أعشقه .. عشق ٍ يالملا ذبّـاح
مشى هالعشق بعروقي الين (القلب سميته)
.
.
ولكن قلة الحيله وحظ ٍ شين لي اجتاح
لقى له قلب يدخل له كأنه اشتاق تشتيته
.
.
ياحلمي لوتشوف شلون عشقي والشقا به لاح
عطيته أغلى ما أملك لجل أرتاح ناديته
.
.
تعال وخذني لك فدوى تعال اشعلني لك مصباح
أنا مشتاق للدنيا وشذى هالصبح لميته
.
.
أنادي بصوتي المبحوح شي ٍ بالحنايا صاح
أنادي برمشي المبلول هدوء الليل بكيته
.
.
تروح ولا على بالك سوى شيٍ ٍ يدر أرباح
واموت وانت ماتدري وهذا الحال مليته
.
.
ثلاث شهور مرت بي بكا ليل ٍ وقل وشاح
ثلاث شهور لو تدري وثوب الصبر شقيته
.
.
قهر حتى السنين اللي شربت المر لجل أرتاح
أشوف الحظ قاعد لي يباس اختارني بيته
.
.
مزاجي لو قفل يعني معاك لقفلته مفتاح
ولكن نسختك ضاعت ولا تنفعك ياليته
.
.
خلاص اترك يدي مابي تعذر لي بشي ٍ راح
ولابي معك أتكلم بشي ٍ في ّ سويته
.
.
سكاكين الالم تطعن بصدري والظنون رماح
سكاكين الشقا تجرح وحبل الوصل شديته
.
.
أخآيل طيفك يجيني وأفز بقومتي له راح
وأخآيل صوتك ينادي (بدون احساس لبيته)
.
.
تشوف شلون تلعب بي طيوفك والطيوف أشباح
تشوف اشلون اتشهى حضور احساس ولـّيته
.
.
ولايتك بـ وطن قلبي حزنها للكواكب لاح
تصوّت لك تبي رحمه تعال ادفن بها ميته
.
.
كفايه بس لاتجرح كفايه لاتكون سلاح
كسرت بقلبي احساسه كسرت شعور نميّته
.
.
لأني جيت لك كلّي تعذبني مسا واصباح
لأني كنت لك فدوهـ ( بصدق احساس حبيته)
.
.
وش الغلطه أبعرفها ( تجاهلني ) وهم ٍ صاح
امانه معك انا اخطيت - قلبي خان تربيته !؟؟؟
.
.
تصدق عـاد لاشفتك تبوسم لي تبي ترتاح .!
بدون احساس اجي كلي ( حبيب القلب ضميته)!!
تصدق عـاد لاشفتك تبوسم لي تبي ترتاح .!
بدون احساس اجي كلي ( حبيب القلب ضميته)!!
.
.
مـ خ ـرج :
واسامح لجلك وأنسى
لأجل اوصل بك لمـرسى
ولكن انتبه من يوم
تعصف الريح بالمركب
نصير لـ غيرنا درسا ..!!!!
لكمـ كل الاحترامـ
لوعة الشوق
1/4/1430