[poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا بايعه للوفاء بعـد الرضـى والقبـول=يا فعل ماضي بدورات الزمـان انطـوى
قفا نجدد معك حومـل وذكـرى الدخـول=ونبكي على اطلال ذكرانا بسقـط اللـوى
تدرين لا هب نسناس الهوى ويش اقول؟=الله يذكـر زمانـن فيـه كنـا ســوى
يومك تشفق ويدفعـك الهـوى للفضـول=وتسأل عن اسرار عاشق في غرامك غوى
يا ريم ! يا ضبي سموك الغزال الجفـول=ونا بسميك يـا جاهـل دروب الهـوى !
تعيد دوره وترسب في جميـع الفصـول=ومالك امل لو بتستهلـك جميـع القـوى
ما يجتمع حب صادق واستمـاع العـذول=ومن يستمع في كلام الناس يا كل هـوى
الله هـو الـي خلقنـا مدنـا بالعـقـول=يا فاقد العقـل والاحسـاس مالـك دوى
عبيت لك في حشاء صدري جميع الحقول=ورحبت في طيفك العابر ليا مـن ضـوى
وسلمت لك قلب لا كبرت يشيل الحمـول=وعلقت سير المحبه فيـك ليـن التـوى
وسهلت لك في بداياتك نقـاط الوصـول=بسهل طريقه معي تاصـل لعـد الـروى
غيرك تعب فالمحبه مـن نـزول لنـزول=اما حصل في فـؤاده جـرح ولا انكـوى
لوشدني بالمحبه ضحـك ثغـرن خجـول=ماكل من تبتسم لي جت على المستوى!!
الحب يا فاتنه من قبل عهد الرسول =هذا امرؤ القيس من حبه بكى وانطوى
لو بتكلم واعبـر لـك وشرحـي يطـول=ما عاد ينفع ونجمك بالسماء قـد هـوى
يا كم تعابير في صدري عشانـك تجـول=اعجز عن الترجمه والقلب يا كـم نـوى
ابسألك واختصرها كـان عنـدك حلـول=اخر مراحل وصلت الهـا وذيبـي عـوى
كانك كما قلت لي بأنك تعـرف الأصـول=شف يابس الريق يقتله العطش ما ارتوى
كل الادله تجي ضـدك بعـد وش تقـول=ما فيه داعـي نكمـل سالفتنـا سـوى !
[/poem]