ياعنود القصة صعبه وكل مافيها صريع
من الطفولة للرجوله كلها كذب وخداع
من بدايات الحبي لين صرت اشري وابيع
ماكفلني الا جسد ..كل تكوينه صراع
من عصافير الجهالة كيف احاول واستطيع
انصب شراك المنية وكل طير وله مزاع
من الغنم لطريف رحلة احلى مافيها الجميع
ماتجمعهم مصالح ....ولايشتتهم ضياع
وابتدا اسرافي بروحي وكنت باسرافي فظيع
كل يوم بتجربه... والتجارب باتباع
وللاسف مافدت روحي من التجارب والصنيع
وكل ماجرع لي هزيمة ايتوهمني شجاع
اتوهم في قواي الخايرة مثل الرضيع
ومركب العمر يتعدل لاعتدل فيه الشراع
كنت اشعر بالتفاهه وكل ما حولي وضيع
لااستقامة بالتطبع..ولاسلامة بالطباع
واتهاوى بكل عزة منظر سقوطي بديع
كيف قررت اتخلى.. عن تاريخي بساع
وكيف ينكرني مشرد..نكره ..ساقط ضليع
بالرذيلة.. وان وطاني صرت من سقط المتاع
كان حلمي في مكان(ن)بين ممنوع ومنيع
ولانقطع حلمن سكنته ولاسكن حلمي انقطاع
صرت مثل الي يضيق بعالمن رحبن وسيع
والفشل نزعه غبية....والنجاح الانتزاع
وياعنود الحالة صعبة وكل ظرف ومايطيع
إما جيت املى مكاني ولا يكفيني امتناع