"""
""
وش بدايتها ؟ بدايتها وجع قلب وضمير
,,,,,,,,,,,,,,,,,,, وش نهايتها ؟ نهايتها درى اللي مادرى
مشكلة , لاصارت تقودك مثل قود البعير
,,,,,,,,,,,,,,,,,,, وانت تحسب خطوتك قدام , والخطوه ورى
يامبدّيها على نفسك ,, خطر نفسك تصير
,,,,,,,,,,,,,,,,,,, جارية لأشياء في نفسك , وجرحن مابرى
مير طيّرها عساها تطير , واثبت لاتطير
,,,,,,,,,,,,,,,,,,, خلّها للنور , ولاّ النار ,, وازبن بالذرى
الهوى لاهب ,, مايرفع سوى الشخص الحقير
,,,,,,,,,,,,,,,,,,, لين يركد ,, جاب لك وجهه على وجه الثرى
خوذها مني يبو ساره , وانا شاعر كبير
,,,,,,,,,,,,,,,,,,, والكبر لله ,, لكنّي أرى اللي ,, ماترى
الحقيقة أمر يستعصى على ادراك الكثير
,,,,,,,,,,,,,,,,,,, في زمان الكذب واللي شاف غير اللي قرا
من يقول الأول الأول ,, الأول بالأخير
,,,,,,,,,,,,,,,,,,, كانه الأول على , كذب , وسخافه , واٍفترى
الشعر , للعقل , بوابة , على الفكر المنير
,,,,,,,,,,,,,,,,,,, لكن احياناً ,, به الذمة ,, تباع ,, وتشترى
محدثات العصر , تسرق , حق تقرير المصير
,,,,,,,,,,,,,,,,,,, والكثير , يجاري الأحداث ,, يجري ماجرى
المهم انك ,, تعيش , انسان ,, مرتاح الضمير
,,,,,,,,,,,,,,,,,,, واترك الساحه , وكل الناس ,, والعالم ورى
""
"
مـــودتي واحــترامي للكـــل