[صالح العرجان]

المشكله حلها بيدك يا الجفول
وحلها بعد شيء أبسط مما تتخيلين [ تجاوزي إسمك ] فعلاً ولا تخلينه صفه تتصفين بها
ويطمع بك من حولك عشان خوفك !!

أنا أحد أبناء هذه القبيلة التي تنتسبين لها وأقولك أنه ما قط سمعت بسالفة عندنا
تعيب المرأة الشاعره بالعكس قبل الولد إذا طلع علمه كل البني ( البنات ) يتمننه
وبه منهن من تقصد به وما يقسم الله لها نصيب معه وياخذها واحدن ثاني .

للتأكيد فقط بعض الأمثله .. !
الشاعرة سميحة بنت محيلان الجعفري العنزي كانت وبين الاسود بن عوده نية زواج وقد اختارته لنفسها لما فيه من الخصال الحميدة والشجاعة وقد مات قبل إتمام نية الزواج فتقول :

الناس ناموا وأنا ما نمـت
....................السهر خلوه لعيونــــي

توي ابفرقا الغضى علمـــت
...................عقب الحيا باح مكنونـي

اللي بغاني وأنا له شمــت
.................ما حط له عشقة دونـــي

ما أنساه لو باللحد غطلمت
.................. لو الرصايف على امتوني

**********************************
وهذي قصيده لشاعره من السويلمات من عنزه كانت تسمع بفارس من السبعة من عنزة لشجاعته وكرمه وكانت في سن الزواج وكثر خطابها لجمالها وكانت ترفض الزواج حتى ترى هذا الفارس المذكور لتحظى به زوجا

بالله عليك احفظ خفى الوصيه
............................وداعتك والعلم بالك يبينــــي

ذالي سنين من خطبني امعيــه
.........................ما اريد كود اللي مديحه يجيني

وأبديت مكنوني لراعي المطيه
........................للي يريد القلب شوفه ابعينــي

ان صاب قلبه مثل ما كان فيه
...................... لاباس لو جريت خافي الونينـــي

وان كان ماله يمنا قيد نيـه
........................ جداي عبراتي وفرك اليدينــــي