[خالد العلي]

كل اوقاتكم عساها / خير

أمنية ..
ان ارى الصبر يعادل في ارتفاعه / تـــل ..!!!

!!!... جرْحي المختل ...!!!



مثل هاك الهدوء اللي سبقْ له عاصفة واختل
................ مثل بعض الكلام أصعب يكون لمسمع الخلاّن

مثل هذا الجنون .. أصْبح وقوفه للفكر يحتل
................ واصفّق له بدمع العين !! ويبقى للفكر عنوان

وجف أقصى غرامٍ كان / يدوّر له على مبتل
............ وفصل الصّيف خبري به على خبري قليل إحسان

تناسيتْ الفرح . لانّه نساني . والخفوق إعتل
................ وبدا وجه التّعب يرسم ملامح سيّد الأحزان .!

وتمنّيت الصّبر فيني .. يعادل فارتفاعه.. تل
................ عسى ظلّه يساندني .. أخفّف لوعةْ الحرمان

شدايدْ .. في شدايدْ .. يا عساها من تجي تشتل
................ عدوٍ كنْت أهلّي به . وخلٍ .. كنّه النسيان.!

يا ليت الغايب الحاضر .. يداوي جرْحي المختل
................. لأجل أنْسى معاناتي وأحس بقيمة الإنسان

يا ليت السّاقي الجاري .. بدل ما يحيي المشتل
............... روى غصن الغرام اللّي مكانه فأوّل البستان!


.
.

وسلامة قلوبكم
.
.

[/quote]