[خالد الداودي]

المشاركة الأصلية كتبت بواسطة محمد السالم

..


..




[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


مسجون مِن شبّتي مسجون = أدمت يديني كلاليبي

تدرون ولا بلا تدرون = انا الذي وحدي أدري بي

الحزن نقطه وصدري نون = لوّ ازفره ماوصل جيبي


لا صار جمرة وانا الغليون = ماهي جديدة يكوّي بي

ليا تقسّمت صار يمون = يعيد هالحزن ترتيبي

أنبت على ضفته عرجون = أعز واطهر مشاريبي

غديت أحس بحزن هالكون = حتى الشوراع تحيي بي

اعيش اهلها بشكل ولون = صاروا بنبضي وتركيبي

بشر ؛ مواجع ودمع غبون = أبسطهم اللي ينادي بي

شايب تأمل عيال يجون = حسيت به جا يهذريبي

يندهني اقرب وخلك هون = ماقبلك احدًا عرف عيبي

طفلة يتيمه معا ماعون = تقول هالجوع طاوي بي

وكريم شهمٍ عليه ديون = دوّة دلاله تهللي بي

وسقيم تحت المرض مطحون = دمعات ضعفه تدمّي بي

وعاطل برفّ الوعد مركون = يقول وشلي غزل غيبي ؟

انا مواطن بهالقانون = وقانون أرضي يومي بي !

كم كنت أغنّي لنا تحيون = يا قادة الدار ؛ من طيبي

وشلون يا قادتي وشلون = ماقدّر أحدًا مواجيبي

لاني بسارق ولا مأفون = حتى تحسّب عذاريبي

واصغاري اللي معي يدعون = نظراتهم كثّرت شيبي

أجساد ؛ قمحٍ على طاحون = من غير طاحوني اللي بي

انا النضمير ان صرخ تدرون ؟ = ولا بلاكم أنا أدري بي [/poem]

..



..


م.س.

يشرفني ان اكون اول من يقف على هذا النبض السامي

رافعا راية للشعــر اقلامه

خ