[ناديه المطيري]

مدخل ::

إهداء لكل قلب نابض بالوفاء مرقت في أروقته ذات يوم ..

تفاصيل البراءة

[poem=font="simplified arabic,5,black,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]

يِمرْ الما على شفاهْ اليباسْ وينبت / النّسرين=وامُر البالْ/ باحْلامه غديرْ وغيمةٍ خَجْلَهْ

أَفِكْ ازْرارَها يِتْلَعْثَمْ بْهذا الخجل ( تشرين)=أَفزّز من عصافير الحكي عصفورهْ لْأَجْلَهْ

أسولِفْلَهْ عن أحْلامي عن احْزاني عن الـ / تّكوين=عن أوّل دمعةٍ هزّت عُيوني وِحْدَرَتْ عَجْلَهْ

أَشَكّلْ من تراتيل الغلا / معزوفة التّلوين=ألوّن في شَغَبْ طفله /أَضِجْ احساسْ من أَجْلَهْ

تعال بْشرفةْ ضْلوعي/ تعال وْطَيّرْ التّخْمين=وِخَلّكْ جانبي مِثْلَ الفَرَحْ تَعْويذَهْ بْـ حِجْلَهْ

تعالْ وْشاغب احْساسي ولاتسأَلْ / مِدانا وين؟=مَـ دام الطّهْر يِتْمَرْجَحْ ما بين ظْروفِنا الوَجْلَهْ

تعالْ الطّفل واجيلِكْ براءهْ تِسْتِفِزْ الطّين =تعال وْغَمّضْ عيوني وِغرّقني كما / دِجْلَهْ

وِتِسْأَلْ :مين انا ؟ ..واضْحك : تِصدّق ماعرفتك مين!!=وتضحك / تفتح عيوني :أحبك موت يا ( نَجْلَهْ )

تِوَحّشْتْ التّفاصيل الصّغيرة بيننا الاثنين=تعال امْلا تفاصيلي / حكايا معشبة هَجْلَهْ

تعال انبتْ على شفاه اليباس وعلّم النّسْرين=بِأَنْ الصّدق بِعْيونك / قميصْ الغيم / يُنسَجْ لَهْ

[/poem]

مخرج::

أبحث عن أكسجين ..

كُتبت في نوفمبر 2008

نُشرت في مجلة فواصل ( العدد الحالي ) عدد ديسمبر 2008
.

.

.