[خالد شجاع]

هلا و ألف هلا
الطيبين نفرح فيهم
وعزّ الله إنها أبرك ساعه يوم انا نجتمع على خير
أنتم في مكانكم عند قلبٍ يغليكم .
....
عمره سبع سنوات
وارسل رساله محتواها فقط ( اشتقت لك ) .

....
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يكفّيني من سعود إنّي أعرف منه هالعنوان=ولو كان الرسايل ما تحمِّل غير عنوانه
هلا بك كثر ما شفت الخَضار و زاهي الالوان=هلا بك كثر ما صدّت عيوني عن نظر حانه
هلا بك وانت في قلبي ولو تبعد بي الاوطان=هلا يا ريح أبوي ويا مداد لطيب جدّانه
وأنا عمّك اشيل من التعب ما شاله الولهان=سرى ليله يدوّر والدينه والزمن هانه
توجّد والزمن يكتم نفسه وظنَّ دربه خان=ولكنّ الله أولى به يحلّ الصعب ذا شانه
بلج نور الفجر فوقه وكنّ اللي جرى ما كان=غدى يمشي على درب اليقين ومطلبه صانه
وجودي وجد ساري ليل ولوكان العزى كتمان=نشيل الهم ما شاله طويق براسي اركانه
إذا ما للفتى وِجِهه يفتّح لجلها بيبان=فلا يتعب ملايكته يجوّد قفل بيبانه
وضعت الرجل بسم الله وبدرج للسما شيهان=على الله نعقد النيّه ونيّات الفتى ايمانه
صحيح التجربه عين الحقيقه واصدق البرهان=صحيح انّ البشر أعدا خفايا النور والوانه
عرفت الحين ليش إنّا نموت اجسور للأوطان=عرفت ان الوطن حضن الدفى وأجسادنا اغصانه
نموت اجسور من دونه ويبقى عالي النيشان=وطنّا وش ندوّر لو عدمنا شوف جدرانه
ألا يا سعود لا تنبش دخيلك واحدٍ قد كان=نسى بيت القصيد وما نسى ذكرك وعنوانه[/poem]