[النجــلاء]

مصافحة أولى تعانق ابصاركم علها تروق لكم بعد الشكر وقلائد الورد لمن قام بدعوتي ..

[poem="font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الموت وانواع الجفا والنفس وظروف الغياب = والخوف واشباه البشر والناس واحوال المره


في كف والحيره بكف قولوا خطا ولا صواب = ماياكل لحوم البشر الا بشر مستهتره


صفقت للدنيا هلا وغنيت بنت ٍ ماتهاب = وضحكت من نفسي على نفسي وانا مستبشره


اثر الوطا ماهو وطا واثر المطر ماهو سحاب= واثر القلوب اللي ببعض الناس مثل المقبره


لاهنت يا عشق الضما لا هنت يا وجه السراب = بغيت فرحٍ للزمن نفسي بقربك تشعره


حلمت في غيمة وفا واثر الوفا عتمة ضباب =لا ينهمر منه المطر ولا العجاج يبعثره


وين انت يا عمرالهوى وين انت ياحلم الشباب= من مت في عين القدر ماعندي شيٍ اخسره


لامات حلمٍ وانهدم تقتله لحظات العتاب = لاترتجي من غير رب الكون هذا مغفره[/poem]