[حسين الحوالي]

بيع ياقلبي .. إذا تقدر تبيع ..!
كم حبيب ٍ مر بك .. ولا شرى ..؟

قلت لك .. قبل المشاوير .. وعناي
قلت لك : هذي سماك .. وذي سماي

أنت تحت الغيم .. ناطر
والحشا جمر ٍ حرق بي .. كل خاطر

السما فوقي .. ضلوع
والمطر تحتي .. دموع ..!
وذا المسا .. ماكان .. ماطر

هقوتك .. من هو درى ..؟!

مرت الأزوال .. واحنا ..
لا حكينا .. ولا .. انتصحنا
لـ الحنين .. اللي سرى ..؟

مابقى .. غير الرحيل ..
مستحيل أرضاك .. تقبل
وأنت تقبل ..
[ مستحيل ]..!

عيشتك هذي .. ياقلبي ..
عيشة أوجاع ..
و ..
.. زرى !!










[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحبيبي .. مابقى حلم ٍ جميل ٍ .. ماسراك = وأنت ليل ٍ من عرفته .. ما أهتنيت .. ونمت به
الحلايا كلها .. في ذمتي .. تفدا حلاك = والسهر فدوه اذا مرت ليالي .. ( منتبه ) !
بس وش ذنب الأحاسيس الكثيفه .. في غلاك = تنقرأ قصة عذاب .. وذا حنيني .. وأكتبه
أكتبه قبل النهايه .. عاشق ٍ يرجي لقاك = من وعى حبك .. وحبك .. بالجنون يرتبه
حظي المدبر .. ذبحني .. قبل أعرفك .. ياملاك = بس هالمره .. تراني .. في غرامك .. لذت به
يمكن يقدّر سنين ٍ راحت بـ عمري هلاك = لين جيتي مثل ماانتي .. هاديه .. مترتبه
خوفتي من جرح واحد .. ماسليته .. أو سلاك = خوفتي زود الطعون .. وميسمك .. ماعذت به
عذت من قصه جديده .. خاتمتها .. لو نساك = تحترق كل القصص .. لاخير فيها مكتبه
اروني .. دام الظما ماينقطع .. من غير ماااااك = وانتبه قبل اتكلم .. إنتبه .. ثم إنتبه
ياتجبني بالوصل .. حب ٍ صدوق ٍ .. أو تراك = لاتجاهلت الوصل .. ليلك تراني .. مت به[/poem]



ويش باقي .. يالحبيب ..؟

مابقى شي ٍ .. بيدي
باح قلبي ..
وباح سدّي ..!

وش بقى .. يعني تقول ..؟

جاز لك ..
ذا اليوم .. صدّي ..!!

الجروح اللي .. ذبحني نزفها ..
ترجع تطيب ..

لو تساهلت الغياب ..
ولو تحاليت .. المغيب


.



















ح . ح . ح