[منيرة بنت دحيم]

.,.
.

صدقيني من رحلتي
ما عرفت الإبتسام

صدقيني من سكتّي
ما سمعت أيّة كلام

صدقيني من سكنتي في فؤادي
صارت الدنيا في وادي
وآنا بلحالي في وادي
وفي عيوني
يااااعيوني
ما بقى غير الغرام

.
.
.

وصدقيني من رحلتي
عشت عمري أحتريك
ويوم جيتي ..
طاااار قلبي من الفرح
وعيّا جرحي ..
قال جرحي .. ما أبيك ....!!

قلت له يا جرحي ليه ..؟
قال بانت
قلت لا لا
قال إلا
واستهانت
قلت لا لا
لااا أموت
قال مووووت
موت وما عليك ......!!

،،

قلت اوصّي ...؟
قال وصِّ ..
قلت يا جرحي تحبْها
وعلم اللي من فؤاده حبني انه يحبْها
وعلم الدنيا بعد انْها تحبْها
قال لا لا
قلت الا
تكفى ياجرح ارتجيك ..

،،

قال وش بك ..؟
قلت مشبك ..
في خفوقي ناقش اسمه
وفي عروقي جارِ دمّه
من سمعته .. من لمحته
من عرفته وانتبهته
صارت الغايه المهمّه
قال لا لا
قلت إلا
وبعت عمري يوم قالت اشتريك

،،

قال هيّـن
ما تبيّـن
غير ضعفك
غير سخفك
غير وصفك ..
بالحنيّـن ..!!
قلت لا لا
قال إلا
والبراءه تعتريك

،،

قلت عاشق
قال لي منتاب زاهق ..؟
نعنبو حظك مراهق
شاب راسك
طاح كاسك
عافتك ربعك وناسك
وانت توّك
فوق ضوّك
لا استويت
ولا صفى من الغيم جوّك
قلت لا لا
قال إلا
وهذا وجهي لو أجيك ...!!

،،

قلت فارق
خلّني في الحب غارق
انت سبّة هالمواجع
أنت نقمه
أنت سارق
ابتعد مابي وفاك
ناهبٍ أجمل سنيني .. ما كفاك ..؟
قال لا لا
قلت إلا
قال يعني ...؟
قلت يعننّي أبيها
ياخي افهم ما أبيك ..

،،

قال تخسر
قلت ش اخسر ...؟
قال هاه ...!!
قلت ش اخسر ...؟
قال هاه ...!!
قلت ش اخسررررررر ..؟
قال اقولّك
قلت لا لا
قال إلا
روح صافحها بيديك
يخلف المولى عليك ...!!

،،

قلت والله
قال والله
دام ترضى بالمذلّه
روح رح له
في محلّه
طير عجّل
لا تِمهّل
قلت بس الا المذله
وقلت لا لا
قال إلا
قلت لا لا .. لا أموت
قال قايل لك من اول مووووت
موت وما عليك ..!!

،،

قلت اوصّي
قال وصِّ ..
قلت ياجرحي تحبْها
وعلم اللي ..
قال عوّدنا لطير ياللي ...!!!!
قلت طيب وش اسوّي ..؟
منت فاهم
والا من ضعفي متقوّي ..؟
شوف لي يا جرحي حل
كلّما فيني اضمحل
يا تلاقي أي مخرج ..
والا عن لومي تحل

قال انا عارف دواك
دام ربي ابتلاك
الوعد في العود باكر
لجل اواريك فـ ثراك
قلت لا لا
قال إلا
بـ ادفنك وكانها تعشق تجيك ...!