ما يعوقك غير من يسكن خفوقك
ما يصيبك غير رميه من حبيبك
ما يروح الا الذي معطيه روح
والحقيقه .. شيّ ما نقدر نطيقه ....!!
.
.
.
[poem="font="simplified arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]طاحت اوراق المحبه من فؤاده=شوف عيني كود وحده ما تطيح
ذيك فيها حالتي لحظة بعاده =آهِ ما أوفى الحزن عند المليح
.
.
.
كل حلمٍ راح روّح بالسعاده=كل علمٍ لاح خلاني جريح
كيف لان البعد ياملح الوساده=أو ترى كل زين بوصاله شحيح
المفارِق عدّه مْفارق رقاده= والمناخ اللي يعيشه مو مريح
والبلا التذكار لى القلب استعاده=روحه العاشق من عيونه تسيح ..!!
.
.
.
وين قلبي ..؟ اسألوا جرح القلاده=من تجنّى من ذكر دين المسيح
ما حرمته غير من سكة عناده= ما عطاني غير سكين وضريح
والمولّع صار له بالليل عاده= قول احبّ تقول ليتك تستريح ..!
ايه أدري ودّك اتغزّل زياده= يا سمارا .. ياهو يعجبك المديح
ما تمنيت الجفا حقّق مراده =لكن احياناً تجي في عكس ريح
اشهد ان الحظ لى أرسل سواده= لا شموسٍ تغسل الظلم وتزيح
وآنا حظي صبّ لي فنجال ساده= قال تشرب والا ما تشرب .. ذبيح ..!!
ما غدى يسوى تراجيده حصاده=صرت انا ورطان بالعمر الكسيح
كانت اقسى من تقسّى في ارتداده=عن مسار الحب وآمال الطريح
كانت انكر من تنكّر عن وداده= واسنينٍ كنت شاعرها الفصيح
كانت اقوى من تقوّى بابتعاده= يوم ضعفي في هواها مستبيح
غصب اسلّم رغم كل هاذِ الإراده= كانت اوّل من وقف ضدّي يصيح
,,[/poem]