[جمال الشقصي]

:
:


تطبيلة..!!

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
كِمَل عام الألم وانتي.. مثل ما انتي.. تِمَنّيني=بعدْه الموعِد بعينك.. حكايه من ألِف ليله؟!
على نفس الضما حالي.. وصوتك ما يعزّيني=من اللي قال لِك حدّ الهوى تأشيره.. وْميله؟
يخيّرني مصيري مرةٍ أرحل بتحنيني=واردّ آقف على برج الغلا واعرج بقنديله
لوين أمشي بميعادي.. وميعادك يقفّيني؟=نخيل الشارع ابتلّت لخطواتي بلا حيله
بكا صبري.. وسالت عزتي في رعشه بْعيني=تلحفّت الشعِر وجهٍ يزمّلني بترتيله
أبد.. ما كان موتي لو تحبيني.. وتنسيني=أنا مت بحياتك من لمحت الشوق تأويله
أمانه لو سكن غيري بقلبك.. بس خلّيني..=أوصّيه التعازي قبل لا توأد مراسيله
نسيت العام.. ما أذكر سوى باكر تمرّيني=واقول انه صدَق من قال: (كل الحب.. تطبيله)!![/poem]
:
: