[جمال الشقصي]

:
:


جرح.. وندم

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
لا تسئليني عن رحيلي يا حنين=شرقٍ مشيت.. وحلمي منفاه الشمال
لابس جروحي ومنتعل هامة جبين=يمكن مع المجهول أصادف لي احتمال
مَا اقدر أحدد.. بس أنا ضمن السنين=خلف الزمن.. باغبى كواليس المحال!
واحد.. مثل كل الحَرار المعدمين=مأسور في صدقه.. وتصنيفه هبال
يرسم مفاتيح الأماني طفلتين=ويلقى الأمل حافِر يعِنّ أربع رجال
جاني.. نسى بانّ الزمن عاف اليقين=وش فادته (يا امّه تلبّسني الحلال)!
طاحت من متوني الحنايا.. في اليدين=شـَ.. اخبار قلبي يا آخر عروق الجدال؟!
ما قلت لك بعدي.. ولا قبلي تجين=هذا قِدَر جايز.. وجايز هي الليال
محبوبتي: وان صار محبوبك مهين=لا تفرضي الرغبه على صيغة سؤال
سافرْت وآمالي مجرد كلمتين:=(جرح.. وندم) في سكتي مثل الظلال
والله ما انتي.. بس أنا حزني دفين=أكبر من حدود الحقيقه والخيال
لو بحت: لا يمكن تظني العاشقين..=أوفى وأصدق من جروحي في الوصال..
من مولدي وجرحي وانا متعانقين=لليوم.. ولآخر محطات الزوال
ترسمني احلامي كثِر ما ترغبين=نصلٍ طعن داره.. لظلم الإحتلال!
مفطوم للحسره.. ومنشاي الأنين=وللذل لو تدرين بعروقي احتفال
منبوذ من نفسي إلى نفسي لحين=وفي حين ترفعني معاناتي الهلال
يا بنت: لو كان الخفا مره يبين=صرتي ملاك الحب.. والحب اشتعال
ومادامها حكمه لرب العالمين=الصفر.. يبقى صفر لا جا بالشمال!
لا تشغلي صبرك وبالك ترتجين=في المشنقه.. ما يشفع الجاني ابتهال
باستأذنك لو كنت أنا الوافي الأمين=ما اقوى حياة العاطفه بثوب انفعال!
بس أطلبك: لا تسئليني.. وتسألين=مَا ادري أنا بالضبط (غيري).. أو جمال!
أبقى أو أرحل.. هي جروحي بْتستكين؟!=وفي مجمل أحوالي.. وجودي يستحال!!
ودّعتك.. وساعةْ وداعك تذكرين..=اش قلت لك لمّا ندهتي لي.. تعال؟..
قلت آسف وآسف.. وآسف يا حنين=منفاي شرق.. وحلمي موطنه الشمال!![/poem]
:
: