[جمال الشقصي]

:
:

غاده

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يَا غاده: لي متى اللعبه على طهْر الهوى بمسباح؟=طعنتي؟!.. ثم سجدتي سجدة الغفران يا غاده؟!
لك الله ما بقىَ شبرٍ بجوفي ما نوى المرواح=بعَد هَجّ الضلوع.. استودعتني نبضه وْعاده
تبعتك.. قدّ ما ودّك.. بجدّ.. بضحكتين مْزاح=جريت بلهفة الباكر لحب يْهِلّ ميلاده
وقفتي بي على ورده جميله.. عطرها فوّاح=قطفتيها.. وقلتي: خذ هواي وشِمّ ميعاده
مشيت.. وقلت للك: لحظه!.. خلَص عطر الغلا ما فاح=وانا احسبه إذا غيّم بمصره.. سال بغداده!
همستي لي.. مَادام إن الهوى لْغيرِك يصير جراح=وصرت أرجف إذا هبّ الحسِن وآخيل جلاّده
ولا انسى يوم قلتي لي: أبي من هالأسى أرتاح=وانا من يومها ساند عروقي لاجلك وساده
وطال الليل.. وعيوني تدوّر للفجر مصباح=واثاريني بْمجرّد حلم.. لا أكثر.. ولا زْياده!
أحسْب إنّ الصبر فعلاً يناول للفرج مفتاح=وكل اللي عطا.. لابد يقطف ثمرة مْراده
مثل طفلٍ ترك في موجته سله من التفاح=يظن المدّ يرجع يكرمه بكره بما جاده!
وضاع العمر.. تاهت بالعواصف رحلة الملاح=ولا ظل بْكبينتْه اتجاه يشير لبلاده[/poem]

:
:
:

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]غريبه.. هذي هي ردّت.. تبينا نمسح اللي راح=تبشرني بْسوار.. وخاتم.. وأشعار.. وقلاده
حنونه.. طيبه.. سبحان ربي مْبدّل الأرواح=رمت شال الحزِن.. وأغمى على الجلاّس بْحداده!
أصدّق.. تمطر الغيمه خرز.. في ربطة المسباح=واكذّب.. لو سجدتي سجدة الغفران.. يا غاده!![/poem]

:
:
: