على مساحة ورق .. قطرات لي باتت
............................... تقتات من تمتمة / بكماء / و تسلبني
ما كل فكرة في بالي / أ ُكلها / آتت
.............................. بعض الحبر لو سكبت ألقاه يسكبني
جذبت سيجارتي .. أقتات و إقتاتت
...................... نفثت نفسي / هباء / و أرجع و أشربني
أستدرك أحلام عمري وين هي باتت ؟!
.................................. لقيتها في مآقي شخص غالبني
يا أكرم و رحلتي من عمر لو فاتت
............ قل لي من ( الشيب ) من هو اللي بـ يجلبني ؟!
هالروح كم جربت أحزان .. كم عاتت
.............................. و حروبهم لين وجه الفجر تكسبني
أقفلت شباك / خفت الريح لو فاتت
................................. تقلّب أوراق في ذاتي و تقلبْـني
لا تقول لي عن حروفي ليش بي ماتت
....................... أو ليش يعني صدى هالصوت يشجبني
يجوز عادي و هي فرصة ولا واتت
..................... ألقى لـ نفسي ( مساحة بال ) تكتبني !!