[أكرم التلاوي]

يقولون ..
في سالف العصر القديم ..
كان الخوي ما يخون ..
وكانت الفزعة جنون ..
يقولون ..
في سالف العصر القديم ..
كان الخوي مثل الاسم يبقى ..
وكان الشعور أنقى ..
يقولون ..
لو كنت ناوي تطرد عيون السراب ..
كان الخوي يمشي معك ..

يقولون ..
في سالف العصر القديم ..
كان الظلام أبيض ..
وكانت صدور الناس ..
من فيضها أعرض ..
يقولون ..
في سالف الخل النديم ..
ما به أحد يمرض ..

يقولون ..
في سالف العصر القديم ..
إن الحريم ..
كانن يغسلنّ السماء ..
وكانن يذرن ّ السديم ..
في درب فارس ..
يقولون في سالف العصر القديم ..
كان الوفاء حارس !!

يقولون ..
في سالف العصر القديم ..
ما كان به سهْر و أرق ..
كانت جفون أوّل أرق ّ ..
كانت تشرّبهم سلام ..
وهي تذوب من العرق ..

يقولون ..
في سالف العصر القديم ..
ما به مغيب ..
إلا مغيب الشمس ..
واللي لحق بالشمس ..
وقت المغيب ..
ينعاه ذاك الذيب ..
يقولون ..
ماتوا بياض قلوبهم ..
محد ٍ طمع بالشمس ..

صاحبي ..
والصبح ضيق و عمْس ..
عندك طريق لأمس ؟!