[فهد الغبين]

[poem="font="simplified arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دخيل أمك ..وابوك ..وكل غالي لك ..ذبحتيني=تعبت إنزف أرق بعدك جروح وهمهمات ..وضيق
تعبت ..اغيب بحضوري ..وانادي لك ..بعد عيني=وانا ماعاد بي حمل بعد عيني ..على التفريق
تعالي ..واحضني صدر ٍ سكنتيه ..وشطن فيني=تعالي ..لملمي حزن ٍحزين ٍ مابعدك ..يطيق
تعالي يابعد كل البنات ..إن كان ..توحيني=تعالي ..واسمعي صوت .. يضك بصدره التخنيق
خنقتيني ..خنقتيني ..خنقتيني ..خنقتيني=فراق يامها نار ..بدت بضلوعي ..التحريق
أحبك لعنبو ..جد الغرام المرهق ..احييني=أحبك لعنبو ..جد العذاب ..ابيك لحلمي التحقيق
حياتي ..يابعد عمري ..ياعيني ..من يسليني=بعد مارحتي والدنيا بعيني ..ثامله ..ما اتفيق
تعالي يامها ..تكفين ..طلبتك يا مها ..اكفيني=انا ماني حمل صدك ..ياروحي والجروح تويق
تعالي ..واحضني طفل حزين ..قال لك ..ويني=وهو يعنيك ياعمره لانك في بحرك ..غريق
مهاتي ..والذي سوى السماء بلا عمد ..سيني=ذبحها يامها صد ..لبس جيمك ..بلا ترفيق
حياتي ..دادتي ..بيبي ..مناتي ..لا نسيتيني=أمانه هو بقى شي بهالدنيا ..يبي تصديق
تعالي ..واسقي عروق ٍ بذرتيها ..و بذرتيني=تعالي وانزعي هم ..جرعته قبل افك الريق
أحبك ..يامها ..والله ..وروح القدس ..حاكيني=اما ان الاون انك تجين ..وتكسرين (....)
تعبت من الزماني اللي ..عبث ..يعتم تلاويني=تعبت من الرماد.. اللي ..يناديني ..الى التعتيق
تعبت ..من الدخان ..اللي تسحب في شراييني=تعبت من الذي تدرين ..ياعمري عن التدقيق
تعبت من الطحين ..اللي رحاته ..جت بتطحيني=تعبت من الدقيق اللي دقيقه ..كم يسم دقيق
تعبت من الضباب اللي ..يغيبني ..وينفيني=الى عالم هو الاخر مهاتي ..معتم ..وما افيق
حياتي يازهر عمري ..أهون ..اهون ..ياعيني..!=أمانه يامها كاني أهون ..الموت ..قبل الضيق[/poem]