[مؤيد الغريبي]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الطيب .. طيبك .. ( يايبه ) والمراجل .. بك تذوب=إعلم بأني افتخر .. لا مرّ صوتك .. واسمعه
أشوش .. باسمك واتباهى .. وابقى اعدد هالقلوب=هو .. بهالدنيا شبيهك ..!! تكفا .. شبيهك جمعه
يبه والصوره تخليّ .. ولدك يسلك .. دروب=غير المراجل ما يبي .. وللطيب صدره .. شرّعه
باورد واحساسك خيول .. والقنص من كل صوب=تطلع على يدينك رجال .. والطيب فيهم تزرعه
يبه .. والغيبه طويله !! .. والماي بشفاهي .. يروب=يسقي نتاج ..!! الأورده والشوق مقوى اصرعه
ادري يبس .. وقت السماد وابتدا ليل .. الحروب=سيّلت .. دمي .. للبشر .. !! والوجع بي قرشعه
مدري ولكن الألم .. يبني .. بيوتي طوب طوب=وكل مازاد .. الألم أتذكّر نصيحك .. وامنعه
يسيل .. في كفي العنب .. وأمدّ أمد .. ولا اتوب=وفي .. كلّ مداتي أحصّل .. من يحاول .. يقطعه
يالله ..!! ثبت لي بياضي .. ولا يهّزه .. هالهبوب=وان مرّته .. ( دمعة رجوله ) .. تنساب ولا له .. قرقعه
القاع هذي ما تحسْ !! ولا تملّ .. من الذنوب=الصدر بيّح له كنينه ..!! وهو ما ودّه يودعه[/poem]