[عبدالله سعيد]

:

القطرة

,

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الفكر زيت و دمعـة البارح سراج=والليل منفى العمر والذاكرة خـبت
والقطرة اللي حولت صمتي إزعاج=لا جمدتني فـي منامي و لا ذبت
هموم صدري من سببها على صاج=شبت فتيلتهـا و انا اللي تلهـبت
تقبل علي افواج وتغادر افواج=من مغرب الجمعة ليا مغرب السبت
طـيرت حلمي للسما ذات الابراج=واخضر تحت ابراجها دفتر النبت
واخذت اغني للمراسي والامواج=وابوح للما لين طبت وتشعبت
لعل بوحي يشتعل صدق وهاج=فالليلة اللي عــن مخـاسـيرها تـبت
الليلة اللي صدرها ريح وعجاج=مشحون عاتقها من الضيق والكبت
ضيعـت فيها كل مدخل ومخراج=وشرقت فيهـا بالخطاوي وغربت
الشاعر الغربة وأنا غربتي تاج=على جبيني طـبت وإلا تعـذبت
ما والله أحبس غربتي بين الادراج=حضرت وايامي شدايد ولا غبت
احتاج واكتب صدق واكتب ولا احـتاج=للنار والما لن تعذبـت وان طبت
وطعوني الخضرا لها ضيق وافراج=وش كبرها لاصار بأعماقي النبت
مهما تشيخ و ترتقي برجها العاج=تبقى الطعـون نياق والذاكرة خبت[/poem]

:

كل عام وأنتم بخير وصحة وسلام

: