[غادة الكاميليا]

صباحكم طٌهر





:








[poem="font="simplified arabic,4,gray,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


" يا دار وش حكم الذي فاقد الخمس ؟ " * = نبضه حكا يا دار ما تسمعينه !!

مستوطن الغربة و لو هو تنفس = ما يشهق إلا ثاني أُكسيد بينه

يا دار علّمه الجفا كيف يلمس = بيديه قلبه و يْتسايل حنينه

تبلور الحزن بوريده ولا حس = باللي فقدهم دامك أغلى سنينه

في لجة العالم فقد لذة الهمس = وحيد و كهوف الليالي عرينه

ما يسمع إلا ساعته نبضها درس = تعلمه كيف المشاعر ثمينه !!

يشوف بأحلامه سماوات يحرس = بيبانها جلاّد وانتي رهينه

محروم .. مشلوله يدينه عن الغرس = محروم حتى من العرق في جبينه

ما أكفره حزن ٍ في حياته تمرّس = عتّق له همومه وراجع يدينه

يا دار قلبه يشبهه ما تسيّس = من يوم خانوْا بالورق عابدينه

واليوم جرّد لك فؤاده وغمّس = بالياس حرمانه نفض راحتينه

توشّح بذنب التراب وتعبّس = ناوي على الفرقا ولا تعذرينه

لوميه خلي دمعته تِغرق الطرس = علّه يحس إنك لبُعده حزينه

[/poem]


:



غادة الكاميليا



* شطرٌ من ذاكرة الطفولة ..