ضيق لم ينتابني من قبل !
,
.
.
سجين القزاز اللي عن الفضفضة محظور
. . . . أنـــــــا كني الـزاير لعين ٍ تطــالبني
أنا لي ثلاثة أيام في ضيقتي محشور
. . . . كأن الترح حالف علي ما يجنبني
على قطعة ٍ مني شحب وجهي المسرور
. . . . ولا عــاد شي ٍ بالوناسات يطربني
أدور على نفسي كأني ببلد مهجور
. . . . جميع الأمـاكن للأسف ماتناسبني
أحس القلق بحر ٍ وانا داخله مغمور
. . . . من اللي بشهقات المواجع تكهربني
تونّ وتصيح وتشتكي بنظرة المحسور
. . . . تترجـم ألمها في دمـوع ٍ تخاطبني
تعبر عن اللي لاعها بزفرة المقهور
. . . . تـوجع واطالعها ونفسي تعـاتبني
تلاشى الفرح من وجهها وانطفى به نور
. . . . طرد حـزنها من قلبها شيّ يعجبني
أشوف الألم بعيونها ساطي ومسعور
. . . . وكـل شهقة ٍ منها ضميري يأنبني
تشفّق تكلم تشتكي لي وانا معذور
. . . . ويزيد الاسى لامن بكت زود ترهبني
على بالها ما أدري وانا خاطري مكسور
. . . . أيا ويـل حـالي في شقاها تعذبني
أنا كيف أعلمها وهي ام ثمان شهور
؟
؟
؟
. . . . تشرقـني بعـبرة وعـبرة تغـربـني
,
,
أبقرا لها حزني وابشرح لها المشعور
. . . . وشفت الدموع اصدق تعابير تكتبني
أجاوب شقاها بالبكا واكشف المستور
. . . . عسى بدمعتي تقرا غلاها وتجاوبني
توضحني العبرة ويعرِبني المنثور
. . . . قسم يامعاناتك وانا ابوك تتعبني
ترى مايحبطني حكي لا ولا الدكتور
. . . . لي اللي إلى كبْرَت علي مايخيبني
دعيت الرحيم المقتدر معتق المأسور
. . . . عليه اشكي ظروف ٍ تجور وتحاربني
عسى الله يشافيها وراعي الصبر مأجور
. . . . ولا احد ٍ على عَلّ المحاجر يحاسبني
,
,
.
أتمنى من الإدارة تطوير الكيبورد لأننا غير قادرين على إدراج أي ملف صوتي
حبذا لو سهلت الطريقة كباقي المنتديات وآسف 
.