[حسين البليهي]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ريان هات البن وادن المعاميل =ابوك ظلماوي وراعي قهاوي
جب زعفران وعود واخلطهن بهيل= وتلقى بذاك الكيس تمرٍحساوي
واغسل قبل تقعد كبار الفناجيل= تراي انا يابوك مُتعب وثاوي
وقم صب لي بس هاه لايمتلي حيل= ابغاه شف وللصوابر يداوي
نبغى نمضّي الليل شعر ومواويل =ماهي مواويل الطبل والغناوي
شعرٍجزل ماهو قصيد المهابيل= الغامض اللي تشعر انه خباوي
شعرٍجزل يجرف مثل جرفة السيل =ماهوخرابيط الهنوف ومضاوي
اللي يحسْبنّ الشعر (روج تجميل)=والاّ(غسل) والاّ(حميسة كلاوي )
شعر النسا مرفوض جملة وتفصيل= الاّ القصيد اللي تحسّه حياوي
أمّاتجي تكتب عن الحب والليل =(وماني على فرقاك ياشوق ناوي)
عيب وخزي ياام القرون المشاويل= البنت عيب يْقال عنها تهاوي
شعرك كذا لاجيت آمََثّلْه تمثيل = مثل قصيد (تريترة) بالحجاوي
احب شعراللي تطامرعلى الخيل =شعرالرجال اهل الكرم والنخاوي
شعرٍجزل لفظه وفكره تهاويل= عليه يشفق كل عاقل وغاوي
شعرٍ لك الله طب لاهل التعاليل =من شعري تبغى والاّ شعرالخلاوي
هوعاش في جيلٍ وانا عشت في جيل = ولْكل شعرجزل يابوك راوي
شعري وشعره في صدور الحلاحيل =قبل شظايا وقبل موقع نداوي
لكن تراي افرق عَنَه بالتماثيل = شاعرحكِم ماني بشاعر هواوي
جربت عشت وشفت كل البهاذيل = مصايبٍ تتعب بعاد الهقاوي
من العدو شاهدت مايطْفح الكيل = لكن من الصاحب زرطت البلاوي
ريان انا بوصيك وانت اقضب القيل =وصيّةٍ تشرى بمال العلاوي
احذر تقضّب لحيتك للرجاجيل =لوان سيماهم من اهل الفتاوي[/POEM]





العلاوي/أحدتجارالشمال