[خالد الحافي]

لقلوبكم

[poem="font="simplified arabic,4,black,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]كثر ما هقوة الطيّب بغير الطيّب تخونه=كثر ماترضي البسمه على وجه الطفل زعلان
كثر ما سيقّت الخطوة بعدّل وغير موزونه=كثر مالاح براق وكثر ماتردم الامزان
كثر موت الضمير وكثر عايش بيننا دونه=كثر شكوى الضلوع العوج من تنهيدة الحرمان
كثر ما أجّل التسويف فعل الخير بردونه=كثر ما هامت الأنفس لرحله مالها عنوان
كثر سيف العداله والضلال ومن يضلّونه=كثر عدل الكريم الواحد وسبحانه المنان
كثر ما ترمي الأمواج وكثر الشوق وطعونه=كثر .. ما للحيا عساس وتتبع سيره البدوان
كثر ما فاح عطر الليل ... ونبرة صوت مدفونه=كثر ما شيّعة .. كلمة .. تعال أفلان يا غلطان
سلام الله .. على بيت القصيد .. ومن يشيدونه=سلام الله على .. نزف الشعور ومعجم القيفان
حضرت وما معي غير السنين العوج مكنونه=حضرت .. وكفي البيضا .. عليها بصمة النكران
تمادو بي .. وانا موفي .. بحق الصدق وفنونه=تمادو بي .وانا للضّن .. وأثمه ماشي وحيران
تمادو بي .. على الميهاف .. وكزّوني على هونه=ومشّوني طريق أجحاف .. لا فكره ولا برهان
وأخذت .. ورغم عن عيني صراع البهت وجنونه=وسقت لمنبر المضلوم .... سووق الزور والبهتان
شنيت .. وشمت .. عن واقع ودنيا حيل مجنونه=وطيت ادروبي الجردا وجوعي يسبقه ..(عطشان )
وشربت اطهر بياض الماء زلال وهم يكبونه=يعدّه ساكب الأكواس .. راعي شربة السلوان
وخنته .. من صميم الجوف كثر اللي يخونونه=كثر .. ماترضي البسمة على .. وجه الطفل ... زعلان [/poem]