2
تمت الخطبة الرسمية وعقد القران.......اصبحت صديقتي في عداد المتزوجات .....بدأت تنشغل في تجهيزات الزواج .....كانت اتصالاتنا مستمرة ..
اهم مادار بيني وبينها في فترة خطوبتها....امران :
كان الاول هو ان كثير من صديقاتها اتصلوا بها وعاتبوها ...على موافقتها على الزواج لما سألتهن عن السبب قالوا ان خطيبها سبق وان تقدم لفلانه وفلانه ورفضوه فيكف ترضين به ..؟!!!
اخبرتني بهذا الامر وهي متضايقه ومنزعجة تقول: شفتي ياريم طلع خاطب قبلي كذا بنت واعرفهن ورفضوه ...الحين بتكلمون علي البنات ...!!
دام ارفضوه اكيد فيه شي وانا واهلي ماندري ..؟!!!
وكنت حينها استغرب كيف انها تسمع منهن مثل هذه التقاهات .....فأقول لها: ترى ماعندك سالفه وبعدين مو عيب الواحد يتقدم ويرفضونه ...هذا نصيب ماهو مكتوب لهن مكتوب لكِ انتِ
وانا اشوف ان رجال ماعليه كلام ....مو معنى انهن رفضوه عشان سبب فيه يمكن ماناسبهن والمفترض ماتهتمين لمثل هالكلام ...بالعكس المفروض تقولين لهم بدل ماتنقلون لي سوالف باركولي وادعولي هو صار زوجي خلاص.
الامر الثاني: قولها: سمعت ان اخته ( شرانيه) وماتخلي احد في حاله ,,,,وان ( امه ) قاسية ومن هالكلام وكيف سأعيش معهم في بيت واحد..؟!!
اخبرتها رأيي بحياد : قلت تعاملي معهم صح .....واكسبيهم كثر ماتقدرين ....ومثل هالكلام ممكن يكون صحيح وممكن لا ....انا وانتِ ماعشنا معهم .....لكن انا اللي اعرفه ان امه اجوديه
ومعروف انها طيبه ومحبوبه واخته تحاشيها قد ماتقدرين الين تعرفين طبايعها ....وكثر ماتقربتي منهم كثر مايحبونك ...
وكنتِ في اثناء الفترة الفاصله بين عقد القران وليلة الزفاف ....اقول لها: احرصي ترضين العجوز ....مهما كان هي امه ,,,,حتى لو سوت اللي تسويه الصبر لازم يكون سلاحك لانك انتِ اللي بتكسبين
اذا صار ماصار لكن ان شاء الله ...مايصير بينكم الا كل خير.
كنت اردد هذا الكلام بأستمرار....وكأني استبق الاحداث ..!!
يتبع
..